lunes, 21 de diciembre de 2009

CIENCIA E TÉCNICA... NAS SETE MARABILLAS DO MUNDO.

Aproveitando esta entrada, con motivo do traballo realizado por Raquel, tamén unha lembranza a algúns dos grandes arquitectos do século XX: ao mozo e vigoroso centenario Oscar Niemeyer e ao xenial Le Corbusier. Na arquitectura danzan ciencia, técnica e arte. E xa de postos: a) www.arqhys.com/ (unha das máis completas páxinassobre os distintos aspectos da arquitectura: historia, monumentos, arquitectos, rañaceos, igrexas, ... antropometría); b) http://aparterei.com/ (en concreto, no número 2 desta revista dixital, un interesante artigo sobre a relación entre arquitectura e filosofía).
A continuación, as "sete" marabillas (arquitectónicas) do mundo... por Raquel Losada.

jueves, 17 de diciembre de 2009

REMATANDO O ANO 2009, ADICADO Á ASTRONOMÍA...




[Foto tomada da páxina web: http://blogueiros.axena.org/wp-content/uploads/2008/12/eclipse.png; premio especial Ano Internacional da Astronomía 2009: "Secuencia do eclipse total de sol de 1 de agosto de 2008, desde Yiwu, China". Autor: Juan Antonio Bernedo Casis. Grazas.]
Á parte de interesarnos pola vida dos grandes astrónomos "antigos" (Filolao de Crotona, Aristarco de Samos, Claudio Ptolomeo) e "modernos" (Copérnico, Kepler, Galileo, Newton, Einstein); á parte de distinguir entre a teoría xeocéntrica e a definitiva teoría heliocéntrica; á parte da exposición da teoría do Big Bang; non estará de máis que lle botemos unha ollada ao Calendario Cósmico de Carl Sagan. Este mesmo gran astrónomo e divulgador científico tamén nos levará a distinguir entre astroloxía e astronomía ou nos resumirá e amenizará co seu relato sobre a orixe do Universo (I e II).
Desde Redes, outro gran comunicador da ciencia, Eduardo Punset nos desvela os enigmas que oculta o universo (I, II e III).
Tamén hai momentos para as curiosidades como o choque entre Andrómeda e a Vía Láctea; ou momentos para recreacións artísticas, musicais... "alucinantes" sobre o Big Bang (I, II e III) ou sobre os Buratos Negros (I e II); ou "a imaxe máis impactante tomada desde o Hubble".
Pero, sen dúbida, o astrónomo máis recoñecido e admirado na actualidade é Stephen Hawking, presisamente gañador o ano 2008 do I Premio Fonseca. Impórtanos del a súa vida e traballo diarios. El mesmo nos ofrecerá en The Origin of Universe interesantísimo repaso á cuestión acerca da orixe do Universo ao longo da Historia en cinco vídeos (I, II, III, IV e V). Tamén poderemos "flipar" con Hawking na gravidade-cero, ou cunha partida de póker con Newton e Einstein na famosa serie de ciencia-ficción, Star Trek.
Por último, non me puiden conter e pareceume pertinente introducir esta "representación" elaborada por estudantes ... con gracioso final.
De todos os xeitos, quizais unha das páxinas máis completas sobre astronomía -anque excesivamente cargada de "publicidade"- sexa http://www.astronomía.com/.
Que o vindeiro ano 2010 sexa propicio para todos, tamén para a astronomía. Saúde. Luís.


miércoles, 2 de diciembre de 2009

MULLER E CIENCIA

En lembranza do 25 de novembro, Día Contra a Violencia de Xénero, ou sexa, día contra a infamia, a ignominia, a barbarie; contra o odio ao feminino e contra o auto-odio masculino; e Día a Favor do mutuo coñecemento e recoñecemento, respecto e admiración. Grazas a todas as mulleres foi que os homes puidésemos sobrevivir.
Grazas a ti, muller, miña nai: alimento, acougo, acubillo, alento de esperanzas, sustento de ilusións. Para vós, mulleres, grandes "curandeiras da humanidade". Para todos nós, homes e mulleres, mulleres e homes, unha páxina web onde encontraremos un amplo blog-forum sobre "muller e ciencia"

viernes, 20 de noviembre de 2009

SAÚDOS E PRESENTACIÓN

A partir da iniciativa do curso pasado, neste presente curso 2009-2010 iniciamos unha nova xira na que pretendemos:
a) Actualizar e afondar nos aspectos máis interesantes acerca da temática da asignatura.
b) Organizar os contidos especialmente os referidos a referencias bibliográficas e de internet.
c) Ser vehículo de unión, expresión e comunicación entre os membros do grupo.
d) Ofrecer pautas, indicacións, suxestións,...
e) Ser incentivo para a formación de correos electrónicos gmail, para os novos blogues persoais (que xa están en marcha), e para outros recursos que nos ofrecen desde o portal de Google (“alertas”, bibliotecas persoais,..).
f) Dar pé á formación dun grupo de discusión e debate on-line sobre algunhas cuestións referidas ás relacións entre ciencia, técnica, sociedade e política. No primeiro trimestre abordaremos a cuestión acerca das “Alternativas enerxéticas para este século”; no segundo, “Os problemas da bioética”; e no terceiro, “As distopías e as súas alternativas”.
g) Ser punto de partida para un club de lectura e a súa expresión na web a través do blog “Ai, Ptolomeu, tolo meu!”
h) En definitiva, ser bitácora desta nova singradura. Que os ventos nos sexan propicios.

Velaquí os blogues que os alumnos e as alumnas de “Filosofía da Ciencia e da Tecnoloxía” do IES Otero Pedrayo de Ourense (máis un "autor invitado") están elaborando.

A filosofía no mundo científico de Tamara Mangana Blanco
aurienses de David González Dorribo
ciencia y filosofía fácil de Cristian Felipe Ortiz García
Ciencia y tecnología de Inés Roca Regueiro
Cientificosenorense de Mercedes Carballo Iglesias
El Progreso Consiiste En El Cambiio..] de Lucía Girola Gómez
Filosofando coa ciencia de Lorena Rúa Casas
Filósofo de Pablo Nóvoa García
O teu recuncho de Daniel Carvajal Alonso
pensologoexisto de María Vences Paradela
philosophĭa de Ester Cano González
SÓ SEI QUE NON SEI NADA de Pablo Romero Vilarchao
valemasmorirdepiequevivirde... de Pablo Gómez Quiroga
Érase unha vez...a ciencia de Raquel Losada García

O meu máis sincero agradecemento pola súa tan boa acollida ás miñas propostas e pola súa actitude tan entusiasta e tan cobizosa por aprender. Todos os erros que poidades observar neste como nos blogues destes meus prezados e prezadas alumnos e alumnas son responsabilidade do profe. Así pois, se queredes reclamar, ei-la miña dirección de correo electrónico: luismartinezcostas@gmail.com.

Saúde e auguri!

NAS ORIXES DESTE BLOG

A partir do pasado curso 2008-2009 comezamos desde as aulas da asignatura "Filosofía da Ciencia e da Tecnoloxía" unha andaina que pretendía pisar e guiarse por novos carreiros. Desde esa primeira intención, elaboramos un blog (Arquímedes en Ourense) no que que pretendíamos recoller e presentar e presentar algúns dos aspectos máis relevantes desde o punto de vista da "teoría" da asignatura; pero tamén dar cabida aos traballos, disertacións e debates dos alumnos e das alumnas.

Buscábamos tamén ser fonte de enlaces a diversos lugares da rede de comunicación global para que os nosos alumnos-as tivesen recursos "á man" para adentrarse e afondar nos aspectos referidos á asignatura que lles resultasen máis atractivos.

A denominación do blog pretendía rememorar a figura do brillantísimo "tecno-científico" da Antigüidade Arquímedes e apreciar a súa vida como símbolo dunha actitude na que se unía a grandeza intelectual cunha non menos gran talla moral.

Varios imprevistos motivaron que a partir de febreiro do 2009 o proxecto quedase paralizado e impediron que non se puidese cumprir cos todos os obxectivos do plantexamento inicial:. Quedaron por desenvolver algunhas das cuestións de tipo teórico, especialmente as referidas á relación entre ciencia, técnica e sociedade; faltaron por incluír os diversos traballos que presentaran os alumnos: traballos de investigación, resumes de libros, disertacións, debates,...

Non todos eses traballos entran baixo a "ortodoxia" científica; pero expresan as inquedanzas "máis alá da ciencia", precisamente -nalgúns casos- dalgúns dos alumnos máis animosos do pasado curso. Noutras ocasións procuran facer "ciencia" ou "técnica" rudimentaria; noutros, se sitúan máis en ámbitos máis teóricos dalgunha disciplina particular... Todos, para min, teñen o seu mérito porque expresan desde a liberdade de cada alumno e alumna as súas preocupacións máis persoais (científicas ou "metacientíficas") e son froito do seu esforzo e traballo durante moitas horas. Grazas tamén a todos pola súa adicación.

Desde aquí o compromiso de que na medida do posible e sen demasiada dilación iremos introducindo eses elementos que faltan: a) en canto os aspectos "teóricos" da asignatura os iremos introducindo no blog citado; b) en canto aos traballos dos alumnos, os poderes ir encontrando no blog "Arquímedes en Ourense 08-09".